多蒙特稳胜哈化
发布时间：2021-01-05 10:37:54
阅读：次
来源：镀锌板带厂家
多蒙特稳胜哈化
德甲实力分子哈化柏林上季排名第四，今季竟然一落千丈，十场德甲只得四分排倒数第一位。咁早就要抢分护级，真係令人意想不到。今晚仲要作客同样以实力见称的多蒙特，抢分机会认真危危乎。
多蒙特今季对住前列强队都冇啖好食，先后畀汉堡及拜仁炒到不似人形，亦都输过畀史浩克○四，所以踢极都上唔到较前位置。不过，上周联赛作客对住榜首嘅利华古逊又踢得唔错，只係被对手迫和，证明球队仍有一定战斗力。其实多蒙特一向对住同级或者较弱对手，发挥都相当稳定，至少坐和望赢。今场初盘开出多蒙特要让一球，盘路属正路，问题係多蒙特能否赢到两球。讲入球能力，多蒙特有巴拉圭杀手华迪斯，仲有新加盟嘅阿根廷外援巴里奥斯，呢位人气射手已经连续四场有波入，状态“弗”到漏油，所以今晚要赢两球相信唔难。
哈化柏林经过五连败之后，上周几经辛苦才在禾夫斯堡抢得一分，球队实力确係弱得可怜。今季踢咗五场作客，五场全输只入三球失十三球，表现完全唔掂。而且十场联赛失咗二十三球，呢条豆腐防线真係弱到不得了。今季走咗后防大将史梅历及射手彭度历，哈化柏林攻守都失去重心，根本冇实力向多蒙特抢分。
推介：多蒙特2：0 （互联网）